I Dare (आय डेअर)

Description

भ्रष्टाचार आपल्याकडच्या कारभाराच्या रंध्रारंध्रात झिरपला आहे. त्यामुळे सामान्य माणसाचा प्राशासकीय व कायदेविषयक यंत्रणा आणि पद्धती यांवरचा विश्वासच उडाला आहे. अशा परिस्थितीत देशाला गरज आहे ती; इथल्या तपास आणि कायदेविषयक यंत्रणेची आणि सुव्यवस्था राखणा-या यंत्रणांची कसून चौकशी होण्याची. त्यासाठी स्वतंत्र भ्रष्टाचाराविरोधी अधिकारपदाची गरज आहे, ज्या पदाला तपास व खटला चालवण्याचे कायदेशीर अधिकार असतील. या सुधारित आणि विस्तारित आवॄत्तीत, नोकरशहा आणि अधिकारी यांनीच पोलीस-यंत्रणेमध्ये आवश्यक त्या सुधारणा करण्याच्या मार्गात अडथळे कसे निर्माण केले, याचे तपशीलवर कथन करण्यात आले आहे. विशेष म्हणजे याबाबतचा निकाल सुप्रीम कोर्टाने दिला होता. परंतु तसे न करता त्या व्यक्तींनी बेदी यांची पोलीस कमिशनरपदी नियुक्ती होऊ नये, यासाठी अडथळे निर्माण केले. या अडथळयांवर मात करत, ३५ वर्षांच्या प्रदीर्घ सेवेनंतर बेदी यांनी, सत्तेचा गैरवापर करणा-यांसोबत काम न करण्याचे ठरवले. अशा लोकांसमोर मान तुकवायची नाही, असा त्यांनी निर्धार केला. पण खरेच या व्यक्तींनी विकासाच्या मार्गात अडथळे-अडचणी निर्माण करून, मनोधैर्य खच्ची करण्याचा प्रयत्न करून काय मिळवले? असे अनेक प्रश्न मागे उरतातच. किरण बेदी म्हणतात, ’माझा आत्मसन्मान, न्यायबुद्धी आणि माझा विश्वास व मूल्ये यांनी माझ्या आत्मविकासामध्ये अडथळे निर्माण करणा-यांवर मात करण्याची प्रेरणा मला दिली. म्हणूनच मी कोणाच्याही बंधनात न राहण्याचा निर्णय घेतला.’ प्रेरक, अंतर्दॄष्टी देणारे आणि जागरुक करणारे कथन!